२३ साउन, काठमाडौं । पर्याप्त विद्युत् उत्पादन नभएपछि जलस्रोतको धनी देश नेपालले लोडसेडिङ न्यून गर्न आव ०७०/७१ मा भारतबाट ८ अर्ब २५ करोड रुपैयाँबराबर बिजुली आयात गरेको छ । यो ०६९/७० भन्दा झन्डै २ अर्ब रुपैयाँ बढी हो । गत वर्ष कुल मागको २० प्रतिशत हिस्सा भारतीय बिजुलीबाट पूरा भएको छ । अघिल्लो वर्ष भारतसँगको बिजुली निर्भरता १७.४४ प्रतिशत रहेको छ ।
गत वर्ष विद्युत प्राधिकरणले स्वतन्त्र उर्जा उत्पादक तथा भारतबाटसमेत गरी १६ अर्ब ५० करोड रुपैयाँको बिजुली खरिद गरेको छ । यसमध्ये आधार रकम भारतबाट हुने आयातमा खर्च भएको छ । गत वर्ष प्राधिकरणले भारतको नर्थ बिहार पावर डिस्ट्रिव्युसन कम्पनी लिमिटेड, पावर ट्रेडिङ कर्पोरेसन (पीटीसी) लिमिटेड, उत्तरप्रदेश इलेक्ट्रिसिटी बोर्ड र उत्तराखण्ड इलेक्ट्रिसिटी बोर्ड लगायतका संस्थाबाट १ अर्ब ७ करोड युनिट बिजुली आयात गरेको  आजको कारोबार दैनिकमा खबर छ । यो अघिल्लो वर्षभन्दा २७ करोड ७४ लाख ८० हजार युनिट बढी हो ।

0 comments

Write Down Your Responses