२२ साउन,नुवाकोट ।
तरकारीको परीक्षणमा कडाइ गरेपछि किसान र व्यापारी सचेत हुन थालेका छन् । तरकारीको हरेक दिन परीक्षण हुने भएकाले किसान र व्यापारी सचेत हुन थालेका हुन् । सरकारले मानव स्वास्थ्यमा गम्भीर असर गर्ने खालका विषादी हालेका तरकारी परीक्षणपछि फ्याक्ने गरेको छ ।
विषादी हालेर उत्पादन गरेका तरकारीको बिक्रिमा  रोक लगाएपछि विषादी नहालीकन र हालेपनि जोखिम कम भएका विषादी मात्र प्रयोग गर्न थालेका पाइएको वरिष्ठ बाली संरक्षण अधिकृत प्रदीप भण्डारीले जानकारी दिनुभएको छ ।
पछिल्लो दिनहरुमा किसान र व्यापारीमा आएको जागरुकताले काठमाडौको कालिमाटीमा विषादीयुक्त तरकारी अत्यन्त कम भित्रिएको वरिष्ठ बाली संरक्षण अधिकृत भण्डारीले जानकारी दिनुभएको छ । नुवाकोटबाट तरकारी काठमाडौ भित्रने बालाजु माछापोखरीमा रहेको कालिमाटी तरकारी बजारमा अहिलेसम्म नुवाकोटमा उत्पादित तरकारीमा विषादीको मात्रा  अत्याधिक नपाएको उहाँले जानकारी दिनुभएको छ ।
तरकारीमा विषादी हालेपनि त्यसको असर सकिने अवधिसम्म पर्खेर मात्र बिक्रि गरेकाले पनि नुवाकोटमा उत्पादित तरकारीमा गुणस्तरीयता पाइएको हुनसक्ने उहाँले बताउनुभएको छ ।

0 comments

Write Down Your Responses