National » चरीको मृत्युको विषयमा संसदमा गौतमले प्रतिवेदन प्रस्तुत गर्ने

२३ साउन,काठमाडौं ।
व्यवस्थापिका–संसदको  आजको बैठकमा गृहमन्त्री बामदेव नेपालगन्ज भएको सामुहिक बलात्कार र धादिङका ‘चरी’ भनिने दिनेश अधिकारीको मृत्युका विषयमा सदनमा जानकारी गराउनु हुने भएको छ । गैतमले नेपालगञ्जका किशोरीमाथि भएको सामूहिक बलात्कार र कारवाहीका लागि भइरहेको पहल  र  राजधानी नजिक भीमढङ्गामा धादिङका ‘चरी’ भनिने दिनेश अधिकारीको मृत्युका सम्बन्धमा सदनलाई जानकारी गराउनुहुने भएको हो । संसद बैठक दिउँसो १ बजे संविधानसभा भवन नयाँवानेश्वरमा बस्ने भएको छ । हिजो सभामुख सुवासचन्द्र नेम्वाङले घटनाका विषयमा सदनलाई जानकारी गराउन निर्देशन दिनुभएको थियो । व्यवस्थापिका–संसद्कोे बैठकमा सभामुखसँग समय लिएर  सभासदहरुले दुवै घटनाका सम्बन्धमा सरकारले सत्यतथ्य सदनसमक्ष प्रस्तुत गर्नुपर्ने माग गरेपछि सभामुखले यस्तो निर्देशन दिनुभएको हो । यसैबीच आज बस्ने बैठकमा विभिन्न विधेयकहरुमाथि छलफल हुनेछ । हिजोको बैठकले उपप्रधानमन्त्री वामदेव गौतमले प्रस्तुत गरेको ‘सामाजिक व्यवहार सुधार विधेयक, २०७१ लाई दफावार छलफलका लागि सम्बन्धित समितिमा पठाइयोस् भन्ने प्रस्ताव सर्वसम्मतिले स्वीकृत गरेको छ ।

0 comments

Write Down Your Responses